Sufaid Jazeera
Writer:Naseem Hijjazi
(Is kitab ko likhnay ka muharrik puranay zamany ki 2 kahaniya hain…
Naseem Hijjazi ne yeh novel ksi or peraye mein likha tha lekin Pakistan or Pakistan k mojooda halat ko dekthay huay mein yeh mehsoos krta hon keh jese yeh novel to hmaray lye hi likha geya tha.. is kahani k end pr BADSHAH jo alfaz kehta hay wo waqei boht tawajja k mustahiq hain.. ghor zrur kijiay ga.. )
Pehli kahani
Aik darwaish or us ka km_sin chela shehr se door kisi jungle mein rehtay thay.darvesh aam tor pr yad e Khuda mein masroof rehta tha or chela aas pas ki bastiyo se bheek mang kr us ki khidmat krta tha…
Darvesh ka dil insaniyat say bhara hua tha wo subh sham sozo gudaz kay sath yeh dua kiya krta tha :
“Meray Parwardigar! Mein aik be bus or be waseela insan hon or tere bandu ki koe khudmant nhi kr skta kekin agr tu mje badshad bana de to mein zindagi ka hr sans bhookay , nangay insanu ki khidmat k lye waqf kr du ga or mein yateemu , bewaou or nadaar logu ki sar parasti kru ga… ………”
Ghrz yeh keh wo har wo dua mangta jo keh mulk k awam ki bhalai k lye hoti..
Km_sin chelay ko yaqeen tha keh kssi din murshid ki dua zrur suni jye gi or un k din phir jyein gy lekin waqt guzrta gyea.. chela jawan ho gya or nek dil darvesh mein burhapay k aasar zahir honay lagay ..rafta rafta chelay k aitqad mein farq aanay laga.. yaha,n tk keh jb darvesh dua k lye hath uthata to wo us k qreeb baithnay ki bajaye chand qadam door bethta or dabi zban mein yeh dua shuru kr deta….
“Meray Parwardigar! Ab mera murshid boorha ho chuka hay or is k bal sufaid ho chukay hain or dant jhar chukay hian beenaai jawab dey cuki hay or ab wo mujay tahkht ki bajayei qbr se ziaya qreeb dikhai deta hay…agr tujay aik nek dil aadmi ka badshsah bn,na pasnd nhi to mjay badshah bna de.. mein edh rkta hon keh mera har kam apnay murshid ki khuwahishat k ult ho ga.. mein sidq e dil se yeh ehd krta hon keh mein nadaru ko or ziyada nadar. Be basu ko or ziada be_bs or mazloomu ko or ziada mazloom bnaou ga.. mein choro or dako,ou ki sarparsti kru kga.. shurfa ko zaleel kru ga or razeelu ko izzat ki kursiyo pr bithaou ga. Mein rashi or bad diyanat ehlkaru k enam diya kru ga or mein masajid or madriso pr talay charha du ga or jaga jaga fahashi k adday qaim kru ga..
Ibteda mein hoshiyar chela chup chup kr duayein kiya krta tha lekin ahista ahista us ka hosla barhta geya or kuch muddat k bad us ki yeh halat thi keh jb murshuid dua k lye hath uthata to wo us k qreeb hi buland awaz mein apni dua dohrani shuru kr deta or jb darvesh apnni aankhu mein aansu bhr kr yeh kehta keh mein agr badshah bn jaou to adl o insaf ka bol bala kru ga to chela qehqaha laga kr kehta keh mein agr badshah ban jaou to zulm or badi ka jhanda buland kru ga…
Ghrz chela hr wo dua mangta jo keh darvesh ki dua k ult hoti…
Darvesh apnay chelay ko peet,ta bhi tha lekin chela apni riwayeti niazmandi ki bawajood
apnay muaqqif pr data rha…
Jis mulk mein wo rehtay thay us mulk ka badshah chal basa ro takht k kai dawedar samnay aa gay or aik dosray k khilaf talwarain sont k medan mein aa gay. Door andesh wazeer ne rato rat tamam dawedaru ko jama kiya or aik tajweez pehsh ki keh ab mulk ko khana jangi se bachanay ki aik hi soorat reh gye hay keh shehr k tamam darwazay band kr dye jayein or alas,subh bahir se jo aadmi sb se pehlay mashriqi darwazay pr dastak de usay bad.shah tasleem kr liya jaye…
Yeh tajweez ba.ittefaq e raye manzoor kr li gye or yeh hua keh nek dil darvesh ka chela bheek mangnay k lye kisi choti moti basti ka rukh krnay ki bjaye mulk k darul kakoomat ki taraf ja nikla or poo phat,tay hi us ne shehr k mashriqi darwazy pr dastk di.. pehredaru ni darwaza khol kr usay salami di or umra usay aik jaloos ki shakal mein shahi mahel ki taraf lay gay…
Naye bad.shak ne takht pr ronaq afroz hotyay hi yeh hukm jari kiya keh meri saltanat mein jitney darvesh, faqeer or sadhu hain unhain kisi takheer k baghair girifatr kr liya jye ….us k hukm ki tameel ki gye lekin khush qismati se naye bad,shah kay murshid ko kisi tarah ye pata chal gya us k hoshiya chelay ki dua qabool ho gye hay or wo sarhad aboor kr gyea or dosray mulk chala geya….
Us ka bad jo hua wo kisi tashreeh ka mohtaj nhi.. naye bad.shad ne poori musta,eddi or diyanat dari k sath apnay tamam waday pooray kye .. Nehru ka pani band kr diya geya.. kuwain or talab ghalazat se bhr diye gay.. choru or dako,ou ko jehlu se nikal kr hakoomat ka krobar sonp diya geya or nek or Khuda parast insanu ko ebadat gahu se nikal kr jehlu mein thons diya gya…
Ghrz un Danish mandu ko sar chupanay k lye jaga nhi milti thi jinhu ne mulk ki bhalai k lye aik gadagar ko takhta pr bitha diya tha or jb naye bad.shad k mazalim apni inteha ko pohnch gay to awam k leadru ne us ka hasb nasab maloom krnay ki zarurat mehsoos ki or sabiq wazeer ki qeyadat mein aik wafd talsh bisyar k baad badshah k murshid ki khidmat mein hazir hua or us se fryad ki keh Khuda k lye hme is balay e nagehani se nijata dilayei…
Umr raseeda darwesh apnay chelay k samnay janay se ghbrata tha lekin arkaan e wafd ki girya o zari se mutasir ho kr wo khtra mol lene pr aamada ho gya..
Jb wo drbar mein hazir hua to bad.shad salamat ko apanay peer o murshid ki tarf dekhtay hi apna mazi yaad aa geya or us ne mar,oobiyat kay ehsas se maghloob ho kr kaha, “peer o mushid frmaye mein aap ki kiya khidmat kr sskta hon?
Derwesh ne kaha:”mein apnay lye kuch nhi mangta.. mein sirf tme re,aaya k lye rehm ki appeal krnay aya hon.. tm iqtedar k nashay mein wo zamana bhol gay ho jb dar dar bheek managa krnatay thay.. ..Khuda say dro..yeh dunya fani hay.. or agr ho skay to mot se pehlay neki ka koe kam kr lo..”
bad.shad ne talkh ho kr jawab diya…” dekahiye qibla! Aap meri quwwat e bardasht k emtehan lenay ki koshsih na krao or aap ki ye khush qismati hay keh aap meray murshid hain or mein aap pr hath daltay huay ghabrahat mehsoos krta hon.. aap mjay je bhr k galiya de sktay hain lekin Khuda k lye in logu k sath kisi neki ka mashwara na dain.. aap ko yad hay keh hm dono aik waqt mein yeh dua manga krty thay prh kya waja keh aap ki dua qabool na hui or qudrat ne mjay bad.shad bna diya?.. agr in logu k aamal thek hotay or qudrat ko in ki bhalai maqsood hoti to aap in k bad.shad bnty lekin yeh bad,bakht thay. Inhain achy buray ki tameez na thi or qudrat ne in ki bad aamaliyo ki saza denay k lye mje bad.shad bna diya.. ab mein martay dam tk apna program poora krta rhu ga or agr qudrat ko in ki girya o zari pr rehm aa jye or meri zindagi k din pooray ho jyein to or bat hay wrna meri taraf se kotahi nhi ho gi…”
Nek dil derwaish ne jawab diya.. “ barkhudar tm thek kehtay ho . agr yeh log qudrat ki tarf se kisi enam ya be behtar salook k mustahiq hotay to meri umr bhar ki duayein rai,ga na jatein yeh log jinhu ne meray bajayei tmharay sar pr taaj rakh diya hay is qabil nhi keh in pr rehm kiya jaye.. tm shoq se apna kam jari rakho.. “
